कुनै पनि देशको निजामती सेवा राष्ट्रको दर्पण हो । स्थायी सरकारको बिशेषता बोकेको यस सेवाको मूख्य लक्ष्य राष्ट्र हित (सेवा) हो ।निजामती सेवामा संगठित हुने अधिकारको बैधानिक सुरुवाती 2007 माघ 4 गते न्यून बैतनिक कर्मचारी संघ नामक संस्था बाट भएको पाईन्छ । बि.स. 1983 सालमा सुब्बा कृष्णलाल अधिकारी बाट लिखित मकैको खेती नामक पुस्तक र एकादशि सभाको कदमबाट राजनैतीक सुधारबाट राष्ट्रको सार्बजनिक प्रशासनमा महत्वपूर्ण भूमिका निर्बाह गर्न सकिने अबधारणा रहेको पाईन्छ ।लामो समयपछि बि.स. 2046/47 सालको प्रजातान्त्रिक आन्दोलनबाट बहुदलिय ब्यबस्थाको पुनःस्थापना सँगसँगै नेपाल निजामती कर्मचारी संगठन नामक पहिलो संस्था निजामती सेवामा स्थापना भयो । तत्पश्चात नेपाल निजामती कर्मचारी संघ हुदै 7/8 बटा ट्रेड  यूनियनको नाममा संस्थाहरु स्थापना हुदै गए । निजामती सेवा ऐन ,2049 को दफा 53 र निजामती सेवा नियमाबली ,2050 को नियम 117(क) ले गरेको ब्यबस्था अनुसार बि.स. 2073 19 गते ऐतिहासिक रुपमा पहिलो पटक निजामती सेवामा आधिकारिक ट्रेड  यूनियनको निर्वाचन सम्पन्न भई गठन भएको छ । केन्द्रीय ,जिल्ला , बिभागीय कार्य समितिहरु समानुपातिक ढँगबाट प्रतिनिधित्वका आधारमा गठन हुने ब्यबस्था छ । केन्द्रीय कार्य समितिको पहिलो अध्यक्षमा पुण्य प्रसाद ढकालको नेतृत्वमा 21 सदस्यीय कार्य समिति रहेको छ ।निजामती कर्मचारीहरुको आधिकारिक ट्रेड  यूनियन सरकार ,राष्ट्रिय स्तरका ट्रेड  यूनियनबीच समन्वय र सहकार्य गरि निजामती सेवा ऐन÷नियम र कर्मचारीहरुका हकहितका पक्षमा वकालत गर्ने संस्थाको रुपमा स्थापित संस्थाहो । यस सेवासंग  सम्बन्धीत जुनसुकै समस्याको समाधान र ऐन ÷नियम लगायतका बिषयमा रचनात्मक एबं श्रृजनात्मक राय सुझाबहरु दिने कार्य यस संस्थाबाट गरिने ब्यबस्था छ । संस्थागत हितका लागी राष्ट्रिय÷अन्तर्राष्ट्रिय सम्बन्धी सम्पर्क र समन्वय गर्ने कार्यको जिम्मेवारी रहेको छ । कर्मचारीहरुको पिरमर्का एबं गुनासो लगायत अन्य बिषयमा वार्ता ,संवाद र छलफलद्धारा सामूहिक सौदावाजी गरी समाधान गर्ने महत्वपूर्ण जिम्मेबारी आधिकारिक ट्रेड यूनियनको रहेको छ ।